ایپل کے فولڈ ایبل فون کے بارے میں آئے روز نئے انکشافات ہو رہے ہیں۔ تاہم کمپنی نے ابھی تک اس حوالے سے کوئی اشارہ نہیں دیا۔ اب اس فون کے ڈیزائن، تفصیلات اور قیمت کے حوالے سے بڑی اپ ڈیٹ سامنے آئی ہے۔
ایپل فولڈ ایبل اسمارٹ فون کے حوالے سے لیکس کا سلسلہ جاری ہے۔ فون کے لانچ ہونے سے پہلے اس کی کافی تشہیر ہو رہی ہے۔ اب معروف تجزیہ کار منگ چی کوو نے کہا ہے کہ یہ فون کتابی طرز کے ڈیزائن میں آئے گا۔ اس میں اندرونی ڈسپلے 7.8 انچ جبکہ بیرونی ڈسپلے 5.5 انچ کا ہوگا۔ فولڈ حالت میں فون کی موٹائی 9.5 ملی میٹر تک ہوسکتی ہے، جب کہ کھولی ہوئی حالت میں یہ 4.5 ملی میٹر تک پتلی ہوسکتی ہے۔
ایپل کا فولڈ ایبل فون اسٹین لیس اسٹیل اور ٹائٹینیم الائے مکسچر کے ساتھ آ سکتا ہے۔ اس کے کیسنگ میں ٹائٹینیم الائے کو دیکھا جا سکتا ہے۔ فون ڈوئل لینس کیمرہ سسٹم کے ساتھ آ سکتا ہے۔ یہ فون ٹچ آئی ڈی سیکیورٹی پر مبنی ہوگا۔ فیس آئی ڈی کو شامل نہیں کیا جا سکتا کیونکہ یہ فون کی موٹائی کو بڑھاتا ہے اور اندرونی جگہ کو کم کر سکتا ہے۔
تجزیہ کاروں نے اسے اے آئی سے چلنے والا بہترین فون قرار دیا ہے۔ یہ اے آئی فیچرز کے ساتھ ملٹی ٹاسکنگ میں بھی بہتر ہوگا کیونکہ اے آئی چیٹ، میپ ویو جیسے فیچرز کو ایک ساتھ بڑے ڈسپلے پر استعمال کیا جا سکتا ہے۔
قیمت
ایپل کے فولڈ ایبل آئی فون کی قیمت بھی تجزیہ کاروں نے تجویز کی ہے۔ جس کے مطابق یہ فولڈ ایبل فون تقریباً 2 ہزار سے 2500 امریکی دالرز تک کا ہوگا اور دنیا بھر کے ملکوں میں ٹیکسوں کی شرح سے اس کی قیمتیں ہوں گی۔
