چیٹ جی پی ٹی بنانے والی کمپنی اوپن اے آئی اپنا خود کا سوشل میڈیا نیٹ ورک بنانے پر غور کر رہی ہے۔ کمپنی ایلون مسک کے سوشل میڈیا پلیٹ فارم ایکس اور میٹا کے انسٹاگرام کو ٹکر دینے کے لیے اپنا یہ پلیٹ فارم لانچ کر سکتی ہے۔
اوپن اے آئی اپنا سوشل میڈیا پلیٹ فارم لانے کی تیاری کر رہی ہے جو مارکیٹ میں پہلے سے موجود پلیٹ فارمز جیسے ایکس اور انسٹاگرام کو ٹکر دے گا۔ اس کا انکشاف سب سے پہلے دی ورج کی رپورٹ میں کیا گیا تھا۔ تاہم کہا گیا تھا کہ یہ منصوبہ ابھی انتہائی ابتدائی دور میں ہے۔
میڈیا رپورٹس کے مطابق یہ سوشل میڈیا نیٹ ورک اوپن اے آئی کے امیج-جنریشن فیچر پر مبنی ہوگا جسے کمپنی نے مارچ میں لانچ کیا تھا۔ اس نے کاپی رائٹ کے مسئلے کو ہوا دی تھی کیونکہ سب لوگ استوڈیو گھبیلی ایسک امیجز بنانے لگے جو کہ صرف ایک سادہ پرامپٹ اور ایک تصویر کے استعمال سے ممکن تھا۔ کمپنی کے سی ای او سیم آلٹمین نے بھی ایکس پر اپنی تصویر بدل لی تھی جو گھبیلی کردار سے ملتی تھی۔
سوشل میڈیا کمپنیاں اپنے بنیادی اے آئی ماڈل متعارف کروا رہی ہیں۔ جن میں ایلون مسک کا ایکس اے آئی اور میٹا کا اے آئی ماڈل بھی شامل ہے۔ یہ ماڈل صارف کے ڈیٹا کا استعمال کر سکتے ہیں اور حقیقی وقت میں اے آئی ماڈلز کو تربیت دینے کے لیے اس ڈیٹا کا فائدہ اٹھایا جا سکتا ہے۔ اگر اوپن اے آئی کا سوشل میڈیا نیٹ ورک بھی مارکیٹ میں آتا ہے تو اسے بھی صارف کے ڈیٹا کا بھرپور فائدہ ملے گا۔
دی ورج کی رپورٹ کے مطابق آلٹمین مبینہ طور پر سوشل نیٹ ورک کے بارے میں باہر کے لوگوں سے نجی طور پر فیڈبیک مانگ رہے ہیں۔ ساتھ ہی کہا جا رہا ہے کہ اس کے لیے ایک داخلی پروٹوٹائپ بھی تیار کیا جا رہا ہے۔ نیوز آؤٹ لیٹ نے یہ بھی کہا کہ ابھی یہ واضح نہیں ہے کہ نیٹ ورک ایک الگ ایپ ہوگا یا چیٹ جی پی ٹیایپ کے ساتھ مربوط کیا جائے گا۔ آلٹمین اور مسک کے درمیان اس وقت قانونی لڑائی بھی جاری ہے۔
