جیسے جیسے نیا سال قریب آتا ہے، ہیکرز کی جانب سے مختلف پیشکشوں کے ذریعے جی میل کے ہیک ہونے کا خطرہ بڑھ جاتا ہے۔ ایسے میں گوگل نے اس سے محفوظ رہنے کا طریقہ بتادیا ہے۔
یہ سال بھی چند دنوں میں ختم ہونے والا ہے۔ دنیا بھر میں لوگ نئے سال کے حوالے سے بہت پرجوش ہوتے ہیں۔ گوگل نے جی میل صارفین کو دھوکہ دہی سے بچنے کا مشورہ دیا ہے۔ گوگل نے اپنے ایڈوانس جی میل سیکیورٹی فیچرز کے بارے میں معلومات دی ہیں، تاکہ صارفین اس طرح کے گھپلوں سے بچ سکیں۔
گوگل نے اپنی ایک بلاگ پوسٹ میں کہا کہ کمپنی نے گزشتہ چند سال میں جی میل کے سیکیورٹی فیچرز کو مزید بہتر کیا ہے۔ پچھلے سال کے مقابلے اس سال اسپیم پیغامات میں 35 فیصد تک کمی آئی ہے۔
اس کے ساتھ ہی گوگل نے اپنے بلاگ پوسٹ میں بتایا ہے کہ کس طرح دھوکہ دہی کرنے والے مفت چھٹیوں کی پیشکش کے نام پر لوگوں کو پھنساتے ہیں اور پھر ان کے ساتھ دھوکہ دہی کرتے ہیں۔ یہی نہیں بلکہ اسکیمرز جعلی لنکس کے ذریعے صارفین کے فون میں گھس کر فون کا ڈیٹا بھی چوری کرتے ہیں۔
جعلی شپنگ نوٹی فکیشن
ایسے اسکیمرز جعلی شپنگ نوٹی فیکیشن بھیجتے ہیں، جس میں آپ سے لنک پر کلک کرنے اور پاس ورڈ، کریڈٹ کارڈ وغیرہ جیسی ذاتی معلومات دینے کو کہا جاتا ہے۔
آن لائن عطیہ کے لیے بھی اپیل
یہ دھوکہ باز آن لائن عطیات کی اپیل بھی کرتے ہیں اور تنظیم کی جعلی ویب سائٹس بنا کر یا غلط معلومات دے کر لوگوں کو دھوکہ دیتے ہیں۔
جی میل اکاؤنٹ محفوظ رکھنے کے لیے کیا کریں
جی میل میں ایک فلٹر کا آپشن بھی دیا گیا ہے جسے آپ اسپام ای میلز کو تلاش کرنے اور ای میلز کو ڈیلیٹ کرنے کے لیے استعمال کر سکتے ہیں۔
اس آپشن کو استعمال کرنے کے لیے جی میل کے سرچ باکس میں جائیں اور ان سبسکرائب ٹائپ کریں۔ اس کا مطلب یہ ہوگا کہ تمام ان سبسکرائب شدہ اور سپیم ای میلز اسکرین پر نظر آئیں گی۔
اب یہاں آپ کو تمام ای میلز کو سلیکٹ کرنا ہے اور مور پر کلک کرنا ہے اور اس آپشن کی طرح فلٹر میسج کو منتخب کرنا ہے۔ یہاں آپ کو ای میلز ڈیلیٹ کرنے کا آپشن بھی ملے گا۔
