برطانیہ میں نوجوان ووٹرز کے لیے حکومت نے بڑا فیصلہ کرتے ہوئے آئندہ عام انتخابات میں 16سال کی عمر میں حق رائےدہی استعمال کرنے کی اجازت دے دی۔
برطانیہ میں ووٹ ڈالنےکی عمر 1969 میں 21 سےکم کر کے 18 کی گئی تھی ۔ لیکن اسکاٹ لینڈ، ویلز میں مقامی کونسل اور اسکاٹش پارلیمنٹ کی طرح اب برطانوی پارلیمنٹ کے لئے بھی ووٹ کاسٹ کرنے کی اہل عمر 16 سال کردی گئی ہے۔
اس کے علاوہ حکومت ووٹر آئی ڈی میں بھی تبدیلیاں کر رہی ہے ۔ جس کے بعد اب بینک کارڈ بھی بطور آئی ڈی قابل قبول ہوں گے۔
برطانیہ کی وزیر جمہوریت روشن آراعلی نے کہا کہ یہ تبدیلی قانونسازوں کو نوجوانوں کی آواز سننے کا عمل یقینی بنائےگی۔
گزشتہ سال لیبر پارٹی کے انتخابی منشور میں ووٹ ڈالنے کی عمر کو کم کرکے 16 سال کرنے کا وعدہ کیا گیا تھا۔ وزیراعظم کیر اسٹارمر کا کہنا ہے کہ 16 اور 17 سال کے بچے “روزگار تلاش کرسکتے ہیں ، وہ ٹیکس ادا کرنے کی عمر کے بھی ہیں۔
دوسری جانب حزب اختلاف کنزرویٹو سوال کرتے ہیں کہ 16 سال کے نوجوان ووٹ ڈال سکیں گے لیکن “شادی نہیں کر سکتے، جنگ میں نہیں جا سکتے، یہاں تک کہ الیکشن میں کھڑے نہیں ہو سکتے۔
